فرمان الہی
نماز کے اوقات
لاہور ( آن لائن ) مسلم لیگ ( ن ) کے رہنما احسن اقبال نے کہا ہے کہ نیب نے لندن میں پاکستان کے 4 ارب روپے ڈبو دیئے،کوئی پوچھنے والا ہے ؟ جتنی مالیت کے فلیٹ نہیں ہیں، اس سے زیادہ رقم خرچ کر دی گئی، نیب پر مقدمہ کون بنائے گا، پاکستان کے زرمبادلہ کا نقصان کون پورا کریگا ؟ لاہور میں میڈیا سے گفتگو کرتے ہوئے احسن اقبال نے کہا کہ عمران خان 31 جنوری سے پہلے استعفیٰ دیں اور گھر جائیں، تاریخی لانگ مارچ ہوگا، نااہل حکمرانوں کو گھر بھیجنا 22 کروڑ عوام کی ضرورت ہے۔ احسن اقبال نے کہا کہ حکومت انتقامی ایجنڈے پر کام کر رہی ہے، شہباز شریف نے تمام اثاثے ظاہر کیے، حکومت شہباز شریف پر ایک پیسے کی کرپشن ثابت نہیں کرسکی۔ انہوں نے کہا کہ مچ میں کان کنوں کو قتل کیا، وزیر داخلہ کہہ رہے ہیں دہشت گردی ہونیوالی ہے، قوم تیار رہے، حکومت امن و امان قائم کرنے میں ناکام ہوچکی۔
