-
فرمان الہی
-
نماز کے اوقات
- جمعرات 9؍شوال المکرم 1445ھ18؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان کے مقبول ڈراموں میں اداکاری کے جوہر دکھانے والی نوین وقار نے اظفر علی سے علیحدگی کے بعد شادی نہ کرنے کی وجہ بتادی ہے۔
اپنے حالیہ انسٹاگرام کے لائیو سیشن میں انہوں نے کہا کہ ’ سنگل رہنے میں کوئی حرج نہیں ہیں، میرے خیال میں یہ عورت کی زندگی کا اہم ترین مرحلہ ہے جہاں وہ خودمختار ہے۔‘
انہوں نے اپنی بات جاری رکھتے ہوئے کہا کہ یہ وہی مرحلہ ہے کہ جہاں عورت اپنے خوابوں کو تعبیر دے سکتی ہے اور اپنے مقاصد کی تکمیل کرسکتی ہے لہٰذا زندگی بھرپور طریقے سے گزاریں اور میرے خیال میں اس میں کچھ غلط نہیں ہیں۔‘
نوین وقار نے سیشن کے دوران تمام سنگل خواتین کو پیغام دیتے ہوئے کہا کہ ’غلط انسان سے شادی کرنے سے اچھا ہے کہ آپ سنگل رہیں اور خوش رہیں۔‘
نوین وقار نے مزید کہا کہ ’میرے خیال میں سنگل ہونا بہترین ہے، یہ وقت خوابوں کی فہرست بنانے اور ان کو حاصل کے لیے بہترین ہے، اپنے ہر خواب کو پورا کریں۔‘
خیال رہے کہ نوین وقار نے 2012 میں کامیڈین اداکار اظفر علی سے کیرئیر کے ابتدائی دنوں میں شادی کی تھی اور 2015 میں اداکار جوڑی میں نامعلوم وجوہات کی بنا پر علیحدگی ہوگئی۔
35 سالہ نوین وقار ہمسفر، عینی کی آئے گی بارات، بے انتہا، بے وفا اور مول جیسے ڈراموں میں اداکاری کے جوہر دکھا چکی ہیں۔
