ترک اداکار کی جانب سے فیروز خان کو کھانے کا دعوت نامہ

شہرہ آفاق تُرک سیریز ’ارطغرل غازی‘ میں بہادر سپاہی عبدالرحمٰن کا کردار ادا کرنے والے تُرک اداکار جلال آل نے فیروز خان کو ترکش پکوان کھانے کیلئے استنبول مدعو کرلیا۔

فیروز خان نے اپنے تصدیق شدہ انسٹاگرام اکاؤنٹ پر اپنی کچھ تصویریں شیئر کیں جن میں اداکار کسی کا انتظار کرتے نظر آرہے ہیں جبکہ ایک تصویر میں وہ کسی کو فون بھی کر رہے ہیں۔

اداکار نے تصویر شیئر کرتے ہوئے لکھا کہ ’مجھے اس وقت بہت بھوک لگ رہی ہے اور یہی اس پوسٹ کا کیپشن ہے۔‘

فیروز خان ابن عربی سے متاثر ہوگئے؟

فلم و ٹی وی انڈسٹری کے معروف اداکار فیروز خان 12ویں صدی کے مسلمان اسکالر ، شاعر اور فلسفی ابن عربی سے متاثر ہوگئے۔

فیروز خان کی اس دلچسپ پوسٹ پر جہاں انسٹاگرام صارفین نے تبصرے کیے تو وہیں پاکستان آئے تُرک اداکار جلال آل بھی کسی سے پیچھے نہ رہے۔

جلال آل نے فیروز خان کی پوسٹ پر ترکش زبان میں کمنٹ کرتے ہوئے لکھا کہ ’میرے بھائی، استنبول آئیں، جہاں میں آپ کو ترکی کے مزیدار پکوان کھلاؤں گا۔‘

تُرک اداکار نے فیروز خان سے ترکش کھانوں کے بارے میں پوچھتے ہوئے لکھا کہ ’مثال کے طور پر، کیا آپ نے کبھی یوسفیلی Çağ Döner کھایا ہے؟ یا اڈانا کباب؟

فیروز خان نے علامہ اقبال کی کونسی نظم لکھی؟

پاکستان شوبز انڈسٹری کے معروف اداکار فیروز خان نے اپنی تصویر پر شاعرِ مشرق علامہ اقبال کی مشہور نظم لکھ دی۔

جلال آل کے کمنٹ کا جواب دیتے ہوئے فیروز خان نے بھی ترکش زبان میں لکھا کہ ’بھائی میں نے آپ کے کمنٹ کا ترجمہ کرنے کی کوشش کی لیکن میں خاصا سمجھ نہیں سکا، مجھے یقین ہے کہ آپ نے محبت بھرے الفاظ ہی کہیں ہوں گے جس کے لیے آپ کا بہت شکریہ۔‘

یاد رہے کہ تُرک اداکار جلال آل اپنی ٹیم کے ہمراہ گزشتہ دنوں ہی پاکستان کے دورے پر آئے ہیں جہاں اُنہوں نے وزیراعظم عمران خان سمیت اداکار ہمایوں سعید، عمران عباس اور عدنان صدیقی سے ملاقات کی۔