آپ آف لائن ہیں
بدھ6؍ جمادی الثانی 1442ھ 20؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

تاریخی عمارت پر رنگ کرنے کی تحقیقات کیلئے کمیٹی تشکیل، نوٹیفکیشن جاری

کراچی کے علاقے برنس روڈ کی تاریخی عمارتوں پر رنگ کرنے کی تحقیقات کے لیے قائم کمیٹی کا نوٹیفکیشن جاری کردیا گیا۔

واضح رہے کہ کراچی کے علاقے برنس روڈ پر تاریخی عمارتوں پر رنگ کرنے کا معاملہ سامنے آیا تھا جسے جیو نیوز نے سب سے پہلے رپورٹ کیا، چینل کی رپورٹ پر سندھ سرکار ایکشن میں آئی۔ 

وزیر ثقافت سندھ سردار شاہ نے معاملے کا نوٹس لیتے ہوئے کمیٹی بنانے کی ہدایت دی تھی۔ 

تاہم اب اس تحقیقات کمیٹی کا نوٹیفکیشن جاری کردیا گیا جس کے مطابق اس تین رکنی کمیٹی میں ڈائریکٹر آرکیالوجی، ڈپٹی کمشنر ضلع جنوبی، ڈی جی آرکیالوجی شامل ہوں گے۔

نوٹیفکیشن کے مطابق مذکورہ کمیٹی ذمہ داروں کا تعین کر کے 10 روز میں رپورٹ جمع کروائے گی۔

وزیر ثقافت سندھ کا کہنا تھا کہ تاریخی عمارتوں پر سول سوسائٹی نے بغیر اجازت رنگ کیا تھا۔

انھوں نے کہا کہ تاریخی عمارتوں سے رنگ ہٹانے کا کام فوری شروع ہوگا۔

قومی خبریں سے مزید