ڈاکٹر ماہا شاہ مبینہ خودکشی کیس میں مرکزی ملزمان وقار اور جنیدڈی این اے کرانے سے گریزاں ہیں، تفتیشی افسرنے رپورٹ عدالت میں پیش کرتے ہوئے ملزمان کےخلاف حکم جاری کرنے کی درخواست کردی۔
جوڈیشل مجسٹریٹ جنوبی کی عدالت میں ڈاکٹر ماہا شاہ مبینہ خودکشی کیس کی سماعت ہوئی جس میں تفتیشی افسر نے عدالت کو بتایا کہ ملزمان کاڈی این اے نہ ہونے سے حتمی چالان پیش نہیں کیا جاسکتا۔
تفتیشی افسر نے عدالت میں کہا کہ ملزم وقار، جنید بار بار نوٹس بھیجنے کے باوجود ڈی این اےکیلئے پیش نہیں ہوئےعدالے ملزمان سے متعلق حکم جاری کر دے۔
عدالت نے تفتیشی افسر کو چالان جمع کرانے کی ایک بار پھر مہلت دے دی اور آئندہ سماعت پر حتمی چالان طلب کر لیا، عدالت نے ملزمان کو ڈی این اے کرانے کی بھی ہدایت کی ۔
کیس کی مزید سماعت6 فروری تک کے لیے ملتوی کردی گئی۔