آپ آف لائن ہیں
منگل29؍شعبان المعظم 1442ھ 13؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ملتان: زہریلی شراب پینے سے 2 نوجوان ہلاک، 2 کی حالت تشویشناک

ملتان کے تھانہ قطب پور کے علاقے میں مہندی کی تقریب میں زہریلی شراب نے دو نوجوانوں کی جان لے لی جبکہ دو کو تشویشناک حالت میں نشتر اسپتال منتقل کردیا گیا ہے۔

تھانہ قطب پور کے علاقے محلہ غلام آبادکے رہائشی محمد کامران، محمد سلطان نے اپنے 2 نامعلوم ساتھیوں کے ساتھ مل کر محمد احمد کی مہندی کی تقریب میں زہریلی شراب پی، جس کے بعد ان کی حالت غیر ہوگئی۔

حالت خراب ہونے پر مہندی کی تقریب میں موجود افراد نے انہں تشویشناک حالت میں نشتر اسپتال داخل کرایا۔


نشتر اسپتال میں زیر علاج محمد کامران اور سلطان دوران علاج جاں بحق ہو گئے جبکہ  دیگر 2 کی حالت تشویشناک بتائی جاتی ہے۔

واقعے کی اطلاع پر متعلقہ پولیس نے نشتر اسپتال میں دم توڑنے والے دونوں اشخاص کی نعشیں قبضے میں لیکر کارروائی شروع کردی ہے۔

قومی خبریں سے مزید