اسلام آباد: آنسو گیس کی شدت کے باعث پولیس اور رینجرز پیچھے چلی گئی

اسلام آباد کی شاہراہ دستور پر پولیس کی جانب سے شدید شیلنگ کی جارہی ہے، آنسو گیس کی شیلنگ کے باعث کچھ افراد بے ہوش ہوگئے۔

وفاقی سیکرٹریٹ کے اطراف بھی پولیس شیلنگ کررہی ہے، آنسو گیس کی شدت کے باعث پولیس اور رینجرز پیچھے چلی گئی۔

سرکاری ملازمین نے موٹر وے چوک 26 نمبر چونگی پر ٹریفک بلاک کردی۔

 دوسرے شہروں سے سرکاری ملازمین احتجاج کے لیے پارلیمنٹ آنا چاہتے تھے، پولیس کی جانب سے سرکاری ملازمین کو روک دیا گیا۔

مظاہرین نے چونگی نمبر 26 پر ٹریفک بلاک کردی، چونگی نمبر 26 کے ساتھ شاہراہ سری نگر پر گاڑیوں کی لمبی لائن لگ گئی۔