اسلام آباد: گزشتہ روز ہوئی شیلنگ سے متاثر پولیس اہلکار جاں بحق

اسلام آباد میں گزشتہ روز سرکاری ملازمین کے دھرنے پر پولیس کی جانب سے کی جانے والی آنسو گیس شیلنگ کے دوران سانس کی تکلیف میں مبتلا ہونے والا پولیس اہلکار آج انتقال کر گیا۔

اسلام آباد: مذاکرات کامیاب مگر دھرنا جاری

وفاقی سرکاری ملازمین اور حکومت میں کامیاب مذاکرات ہونے کے باوجود دھرنا آج بھی جاری ہے، اسلام آباد میں سرکاری ملازمین سیکریٹریٹ کے سامنے آج پھر جمع ہوگئے۔

پولیس ذرائع کے مطابق انتقال کرنے والا پولیس اہلکار اشتیاق اسلام آباد پولیس کی اسپیشل برانچ میں تعینات تھا۔

گزشتہ روز اسلام آباد کے چائنہ چوک پر سرکاری ملازمین کے احتجاج کے دوران آنسو گیس شیلنگ کی گئی تھی جس سے اشتیاق بھی متاثر ہوا تھا۔

پولیس ذرائع کے مطابق اشتیاق نے گزشتہ شام 7 بجے وائرلیس پر سانس کی تکلیف سے متعلق آگاہ کیا تھا۔

پولیس ذرائع نے یہ بھی بتایا ہے کہ پولیس اہلکار اشتیاق کو سانس کی تکلیف کے باعث پولی کلینک اسپتال لایا گیا تھا، جہاں وہ آج صبح دم توڑ گیا۔