چولستان جیپ ریلی کے ٹریک پر عثمان بزدار کی ڈرائیونگ

صوبہ پنجاب کے صحرائے چولستان جیپ ریلی کے ٹریک پر وزیر اعلیٰ پنجاب عثمان بزدار نے بڑی ہی مہارت سے گاڑی چلائی۔

وزیراعلیٰ پنجاب عثمان بزدار کے پروٹوکول کی گاڑیاں بھی پیچھے رہ گئیں جبکہ چولستان جیپ ریلی کے شرکاء عثمان بزدار کی ڈرائیونگ میں مہارت کی تعریف کرتے رہے۔

اس موقع پر عثمان بزدار نے کہا کہ چولستان جیپ ریلی کو بین الاقوامی ایونٹ بنائیں گے۔

پنجاب میں شعبہ سیاحت کو ترقی دے کر معیشت کو مستحکم کیا جاسکتا ہے، عثمان بزدار

وزیراعلیٰ پنجاب عثمان بزدار کا کہنا ہے کہ پنجاب میں شعبہ سیاحت کو ترقی دے کر معیشت کو مستحکم کیا جاسکتا ہے۔

وزیراعلیٰ پنجاب عثمان بزدار نے کہا کہ اتنے اچھے ٹریک پر گاڑی بھگانے کا اپنا ہی مزہ ہے۔

عثمان بزدار کا مزید کہنا تھا کہ دنیا بھر سے لوگ یہاں آئیں اور جیپ ریلی کے ٹریک پر اپنی مہارت دکھائیں۔