• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یورپ میں کشمیر پرمنفی بھارتی پراپیگنڈہ کوعیاں کیا، چوہدری پرویز اقبال

میرا شہر
لاہور
17 فروری ، 2021
لاہور ( جنرل رپورٹر ) پاک یورپ فرینڈشپ فیڈریشن کے چیئرمین چوہدری پرویز اقبال لوسر نے لاہورپریس کلب کے پروگرام میٹ دی پریس میں شرکت کی ۔ صدر ارشد انصاری اور سیکرٹری زاہد چوہدری نے معزز مہمان کو خوش آمدید کہا۔چوہدری پرویزاقبال نے کہاکہ کشمیر کا مسئلہ وقت کے حساس ترین دور سے گزررہاہے ، بھارت نے ساری دنیا میں زبردست منفی پراپیگنڈہ سے سچ کو جھوٹ ثابت کرکے پاکستان کے کردار کو اتنابگاڑدیاکہ یورپ میں پاکستان مخالف سوچ سے کشمیر کاز کو ناقابل تلافی نقصان ہوا ، یورپ میں کئی دہائیوں سے پاکستان کے خلاف جھوٹی پراپیگنڈہ انڈسٹری چلائی جارہی تھی ۔ ہم نے انڈیا کے اس مکروہ نیٹ ورک کو پکڑا اور ساری دنیا کے سامنے اسے عیاں کیا ۔ انھوں نے مزید کہاکہ پاکستان کے خلاف بھارت نے جھوٹے پراپیگنڈہ کی انتہاکردی ہے یورپ میں بلوچستان پر ظلم وستم کی من گھڑت قصے کہانیوں کے خلاف مظاہرے میں غیرملکی لوگوں کوبلوچی بناکربینرزپکڑاکرکھڑاکردیاجاتاہے لیکن ہم نے موقع پر ان جھوٹے افرادکوپکڑاجس سے انڈیاکی سازشوںکاپول کھلااورکلبھوشن یادیو کے منفی کردار کو بھی یورپی پارلیمنٹ میں اجاگرکیا۔انہوں نے کہا کہ یورپ میں مقیم غیورپاکستانی کشمیر یوںسے دل و جان سے پیارکرتے ہیں اور کشمیرکی آزادی کے خواہاں ہیں ،انڈیا کے کشمیر پر خصوصی اہمیت کے قانون کو ختم کرکے قبضہ کرنے ، کشمیریوںپر زندگی کے دروازے تنگ کردیئے گئے ہیں، ہم نے یورپی یونین کی پارلیمنٹ میں کشمیر میں جاری بھارتی ظلم و ستم کو اجاگرکیا اوروہاں عوام وخواص کی کشمیر کے حق اوربھارتی جارحیت کے خلاف رائے عامہ کوہموار کیا جس پربھارتی ہمارے شدید خلاف ہیں اورہم ان کی ہٹ لسٹ پر ہیں۔ اوورسیزپاکستانی ملکی معیشت میں ریڑھ کی ہڈی کا کردار اداکرہے ہیں لیکن اوورسیزکمیشن کی انتظامیہ کی جانب سے تحفظات کا سامناہے ، وزیراعظم عمران خان نے ہم سے ملاقاتوں میں ہماری خدمات کو سراہا اور ہمیں تحفظ دینے کی یقین دہانی کرائی لیکن عملی طورپرہم مافیاکے رحم و کرم پرہیں ، ہم حکومت سے اپیل کرتے ہیں کہ اوورسیزپاکستانیوں کی اہمیت کو سمجھا جائے اور ہمارے تحفظات کو دورکیاجائے۔ انھوں نے کہاکہ مجھے فخر ہے کہ صدر ارشدانصاری کا مشکورہوں جنھوں نے مجھے اتنی عزت دی۔ ارشد انصاری نے کہاکہ پاک یورپ اوورسیزفیڈریشن نے یورپی پارلیمنٹ میں پاکستان کے مثبت تشخص کواجاگرکیاہے خصوصا کشمیرکازپر جو کردار اداکیاہے وہ قابل تحسین ہے ، ارشد انصاری اور سیکرٹری زاہد چوہدری نے لاہور پریس کلب کی جانب سے پاک یورپ اوورسیزفیڈریشن کے چیئرمین چوہدری پرویز اقبال لوسر کو یادگاری شیلڈ پیش کی ۔
تازہ ترین