آپ آف لائن ہیں
بدھ18؍ رجب المرجب 1442ھ3؍مارچ 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شیخ رشید نیشنل ایکشن پلان پر عملدرآمد کیلئے پرعزم

وزیر داخلہ شیخ رشید احمد نے نیشنل ایکشن پلان کے تمام نکات پر مکمل عمل درآمد کے عزم کا اظہار کردیا۔

شیخ رشید نے کوئٹہ میں فرنٹیئر کور ہیڈ کوارٹر بلوچستان کا دورہ کیا اور امن و امان کے قیام کے لیے ایف سی کے کردار کو سراہا۔

اس موقع پر وزیر داخلہ نے یاد گارِ شہدا پر پھول رکھے اور آئی جی ایف سی نارتھ میجر جنرل محمد یوسف مجوکہ سے ملاقات کی۔


آئی جی ایف سی نے شیخ رشید کو آپریشنل تیاریوں، سرحدوں کی نگرانی اور امن و امان پر بریفنگ دی۔

اس دوران وزیر داخلہ شیخ رشید نے کہا کہ بلوچستان میں امن کو یقینی بنانے کیلئے ہر ممکن اقدامات کیے جائیں گے۔

انہوں نے مزید کہا کہ نیشنل ایکشن پلان کے تمام نکات پر مکمل عمل درآمد یقینی بنایا جائے گا، امن وامان بہتر بنانے کے لیے بین الصوبائی رابطہ مزید بہتر بنایا جائے گا۔

قومی خبریں سے مزید