جی جی حدید نے بیٹی کے لئے دفتر پلے ایریا میں تبدیل کردیا

فلسطینی نژاد امریکی سپر ماڈل جی جی حدید نے اپنی بیٹی خائی کے لیے تقریباً آدھا دفتر کھیل کے کمرے میں تبدیل کر دیا۔

حال ہی میں جی جی حدید نے اپنے مداحوں کے ساتھ انسٹاگرام اکاؤنٹ پر سوال و جواب کا سیشن کیا جس میں انہوں نے متعدد ایسی تصاویر بھی شیئر کیں جو اس سے پہلے ان کے چاہنے والوں نے کبھی نہیں دیکھی تھیں۔

جی جی حدید کے ایک مداح نے ان سے 25 جنوری کی تصویر شیئر کرنے کا کہا جس کے بعد انہوں نے ایک تصویر شیئر کی جس میں بیٹی خائی کے کھلونے نظر آ رہے ہیں۔

تصویر کی وضاحت کرتے ہوئے جی جی حدید نے بتایا کہ میں نے اپنا آدھا دفتر خائی کے کھیل کے کمرے میں تبدیل کر دیا ہے۔

گزشتہ سال ستمبر میں زین ملک اور جی جی حدید کے ہاں بیٹی کی پیدائش ہوئی تھی اور انہوں نے تاحال اپنی بیٹی کی کوئی واضح تصویر شیئر نہیں کی ہے۔