آپ آف لائن ہیں
اتوار22؍ رجب المرجب 1442ھ 7؍مارچ2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیر آباد الیکشن، پریزائیڈنگ افسر کے ویڈیو بیان سے نیا پنڈورا باکس کھل گیا

کراچی (نیوز ڈیسک) وزیر آباد کے ضمنی الیکشن میں پکڑےگئے پریزائیڈنگ افسر کے ویڈیو بیان سے نیا پنڈورا باکس کھل گیا۔ پریزائیڈنگ افسر کے وضاحتی بیان میں پس پردہ اسکرپٹ بتاتی آواز نے معاملہ مزید مشکوک بنا دیا اور ویڈیو میں دیکھا جاسکتا ہے کہ پریزائیڈنگ افسر کو لقمے ملتے رہے کہ کیا کہنا ہے۔ مبینہ طور پرووٹوں کا تھیلا لیکر فرار کے دوران پکڑے گئے پریزائیڈنگ افسر نے اپنا نام لیاقت علی بھٹہ بتایا ہے۔ ویڈیو بیان میں لیاقت علی بھٹہ نےخود کو وزیرآباد کے ایک پولنگ اسٹیشن کا پریزائیڈنگ افسربتایا اور کہا کہ کچھ لوگ دن بھر ان پر مدد کیلئے دباؤ ڈالتےرہے۔ لیاقت علی بھٹہ نے دھاندلی کا الزام رد کرتے ہوئے دعویٰ کیا ہے کہ انہیں مسلح افراد نے اغوا کرکے تھیلا چھین لیا تھا اور انہیں

جان سے مارنے کی دھمکیاں دی گئیں، سڑکوں پر گھمایا گیا اور اب بھی انکی جان کو خطرہ ہے۔ لیاقت علی بھٹہ نے وزیر اعلیٰ پنجاب اور وزیر اعظم سے مدد کی اپیل کی۔

اہم خبریں سے مزید