آپ آف لائن ہیں
جمعہ13؍ رجب المرجب 1442ھ 26؍فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

احد رضا میر کی والدہ کو دوسری بہو کی تلاش

 خوبرو اداکار احد رضا میر کی والدہ ثمرہ رضا میر نے چھوٹے بیٹے عدنان رضا میر کے لیے لڑکی کی تلاش شروع کردی ہے۔

ثمرہ رضا میر نے سوشل میڈیا سائٹ انسٹاگرام پر بیٹے عدنان رضا میر کے ہمراہ تصویر شیئر کرتے ہوئے کہا کہ وہ اپنے چھوٹے بیٹے کیلئے لڑکی کی تلاش میں ہیں۔


انہوں نے نئی بہو کی خصوصیات کے حوالے سے بتاتے ہوئے شاعرانہ انداز اپناتے ہوئے کہا کہ ’ایک لڑکی سیدھی سادی سی، سوتی راتوں میں جاگی سی۔‘

ثمرہ رضا میر نے یہ بھی کہا کہ لڑکی کو رات بھر جاگنے اور کھانے پینے کا شوق ہو، کوئی ہے؟ ثمرہ رضا میر نے یہ بھی کہا کہ درخواستیں 15 مارچ تک موصول کی جارہی ہیں۔


انہوں نے اپنی پوسٹ میں بیٹے عدنان رضا میر کو بھی ٹیگ کیا۔

خیال رہے کہ گزشتہ برس مارچ میں ثمرہ رضا میر نے سجل علی کو اپنی بہو بنایا تھا اب وہ اپنے دوسرے بیٹے کے لیے بھی لڑکی کی تلاش میں ہیں۔

انٹرٹینمنٹ سے مزید