آپ آف لائن ہیں
جمعرات12؍رجب المرجب 1442ھ25؍فروری 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اظفر رحمن کا خواتین سے جنسی ہراسانی کا شکار ہونے کا انکشاف

فلم و ٹی وی انڈسٹری کے نامور اداکار اظفر رحمن نے انکشاف کیا ہے کہ انہیں ماضی میں متعدد خواتین نے جنسی طور پر ہراساں کیا۔

ویب شو ’ ’بائی دی وے‘ میں ’می ٹو‘ مہم پر کھل کر اظہار خیال کرتے ہوئے اظفر رحمن نے کہا کہ مکمل طور پر ’می ٹو‘ مہم کی حمایت کرتا ہوں۔


اداکار نے کہا کہ ماضی میں انہیں متعدد ساتھی خواتین نے ہراساں کیا مگر وہ ان کا نام نہیں لینا چاہتے۔

انہوں نے بتایا کہ ہمیشہ خواتین صحیح نہیں ہوتیں اور کبھی بھی کسی کو ہراساں نہیں کیا جانا چاہیے۔

اداکار نے می ٹو مہم کے حوالے سے کہا کہ اگر دو افراد کوئی بھی کام باہمی رضامندی سے کرتے ہیں یا پھر کچھ لو اور کچھ دو کی بنیاد پر کرتے ہیں تو ٹھیک ہے ورنہ کسی کو کسی سے زبردستی کرنے کی اجازت نہیں اور ایسے عمل کی کبھی حمایت بھی نہیں کی جا سکتی۔

اظفر رحمٰن پاکستان کی ٹی وی انڈسٹری کا ایک جانا پہچانا نام ہیں، اظفر اپنی وجاہت اورخوبصورتی کے علاوہ بہترین اداکارانہ صلاحیتوں کی بناء پر بھی جانے جاتے ہیں۔

اظفر رحمٰن نے اپنے کیرئیر کا آغاز ماڈلنگ سے کیا ، جس کے بعد اداکاری کی دنیا میں قدم رکھا اور کئی ڈرامہ سیریلز میں اپنی اداکاری کا لوہا منوایا۔

انہوں نے مہوش حیات کے مقابل فلم ’چھلاوہ‘ میں بھی اپنی اداکاری کے جوہر دکھائے۔

انٹرٹینمنٹ سے مزید