سرفراز احمد کے بیٹے کی لاہور قلندرز کے ترانے پر رقص کی ویڈیو وائرل

12 مارچ ، 2021

قومی کرکٹ ٹیم کے سابق کپتان سرفراز احمد کے بیٹے عبداللہ کی پی ایس ایل کی مقبول ترین فرنچائز لاہور قلندرز کے آفیشل ترانے پر رقص کی ویڈیو وائرل ہوگئی ہے۔

سرفراز احمد کی اہلیہ خوشبخت سرفراز نے اپنے ٹوئٹر اکاؤنٹ پر عبداللہ کی ویڈیو شیئر کی جس میں وہ قلندرز کے آفیشل ترانے پر کھلاڑیوں کی طرح ہی اسٹائل اپنا کر رقص کرنے کی کوشش کر رہا ہے۔

خوشبخت سرفراز نے اپنے ٹوئٹ میں کہا کہ ’عبداللہ کھلاڑیوں کی طرح رقص کر کے انجوائے کر رہا ہے۔‘

یہ بھی پڑھیے

ساتھی کرکٹرز کی جانب سے سرفراز احمد کے بیٹے کی ویڈیو کو خوب پسند کیا جارہا ہے۔

قابلِ ذکر بات یہ ہے کہ سرفراز خود کوئٹہ گلیڈی ایٹرز کی قیادت کرتے ہیں لیکن بیٹا لاہور قلندرز کے گانے پر رقص کررہا ہے۔

لاہور قلندرز میں شامل انگلش آل راؤنڈر سمِت پٹیل نے ٹوئٹ پر ردعمل دیتے ہوئے کہا کہ میں یقین سے یہ کہہ سکتا ہوں کہ عبداللہ کوئٹہ کا نہیں بلکہ لاہور قلندرز کا سپورٹر ہے۔

تازہ ترین