طلال صاحب یہ کوئی تنظیم سازی نہیں جمہوری جدوجہد ہے، بلاول بھٹو

پاکستان پیپلز پارٹی کے چیئرمین بلاول بھٹو زرداری نے پاکستان مسلم لیگ (ن) کے رہنما طلال چوہدری کے طنز کا جواب دے دیا۔

اسلام آباد میں پریس کانفرنس کے دوران بلاول بھٹو زرداری نے طلال چوہدری کے بیان پر ردعمل کا اظہار کرتے ہوئے کہا کہ ’طلال صاحب یہ کوئی تنظیم سازی نہیں بلکہ یہ جمہوری جدوجہد ہے‘۔

یوسف گیلانی جیتنے کے باجود چیئرمین سینیٹ کی کرسی پر نہیں بیٹھے، بلاول بھٹو زرداری

بلاول بھٹو زرداری نے کہا کہ چیئرمین سینیٹ کا الیکشن چوری کیا گیا اور عوام کی آنکھوں کے سامنے چوری کیا گیا، قومی اسمبلی اور سینیٹ بھی عمران خان کے ساتھ نہیں پی ڈی ایم کے ساتھ ہے ۔

پی پی چیئرمین نے کہا کہ طلال چوہدری کی طرح میں 2018 سے جدوجہد نہیں کررہا، ہم تین نسلوں سے جمہوری جدوجہد کررہے ہیں۔

واضح رہے کہ چیئرمین سینیٹ کے انتخاب میں یوسف رضا گیلانی کی شکست پر طلال چوہدری نے طنز کیا تھا اور کہا تھا کہ ‘بلاول بھٹو صاحب! “نیوٹرل” کا مزہ آیا‘۔