راولپنڈی ،جہلم ( صباح نیوز)آرمی چیف جنرل راحیل شریف نے جہلم کے قریب فوجی مشقوں کا معائنہ کیا، فوجی مشقوں میں آرٹلری، فضائیہ اور لڑاکا فائر پاور کی جانب سے بھرپور قوت کا مظاہرہ، آرمی چیف نے پاک فوج کی بہترین پیشہ ورانہ تیاریوں پر اطمینان کا اظہار کیا۔ آئی ایس پی آر سے جاری بیان میں بتایا گیا ہے کہ آرمی چیف جنرل راحیل شریف نے کور ہیڈکوارٹر جہلم کا دورہ کیا اور جہلم کے نزدیک جاری فوجی مشقوں کا معائنہ کیا۔ فوجی مشقوں میں آرٹلری، فضائیہ اور لڑاکا فائر پاور فورسز نے حصہ لیا اور اپنی مہارت کا بھرپور مظاہرہ کیا،اس موقع پر آرمی چیف نے پاک فوج کی بہترین پیشہ ورانہ تیاریوں پر اطمینان کا اظہار کرتے ہوئے شرکت کرنے والے فوجیوں کی پیشہ ورانہ مہارت کی تعریف کی اس سے قبل آرمی چیف کا کور کمانڈرلیفٹیننٹ جنرل اکرام الحق اور جنرل آفیسر کمانڈنگ میجر جنرل سرفراز ستار نے استقبال کیا۔
فرمان الہی
نماز کے اوقات
