کابینہ میں مزید تبدیلیوں کا امکان ہے، عامر ڈوگر
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کابینہ میں مزید تبدیلیوں کا امکان ہے، عامر ڈوگر

وزیراعظم عمران خان کے معاون خصوصی برائے سیاسی امور عامر ڈوگر کا کہنا ہے کہ حفیظ شیخ کو ہٹائے جانے کے بعد کابینہ میں مزید تبدیلیوں کا امکان ہے، کچھ وزیروں کو کارکردگی کی بنیاد پر ہٹایا جاسکتا ہے۔

جیو نیوز کے پروگرام جیو پاکستان میں گفتگو کرتے ہوئے معاون خصوصی عامر ڈوگر نے کہا کہ کچھ وزارتوں میں تبدیلی کچھ کو تقسیم کریں گے،ایک وزیر فیصل آباد، ایک بلوچستان عوامی پارٹی (بی اے پی) کا وزیر کابینہ میں شامل ہوگا۔

عامر ڈوگر نے کہا کہ مہنگائی کا سیلاب نہ تھمنے کی ذمہ داری وزیر خزانہ پر ہی آتی ہے،حفیظ شیخ پاکستان کو بہت بہتر پوزیشن میں لائے، عالمی ڈونرز کے ساتھ بھی حفیظ شیخ نے اچھی طرح مذاکرات کیے۔

انہوں نے بتایا کہ پرائس کنٹرول کمیٹیاں کام کر رہی ہیں لیکن نتیجہ نظر نہیں آتا، کچھ وزیروں کو کارکردگی کی بنیاد پر ہٹایا بھی جاسکتا ہے۔

قومی خبریں سے مزید