• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

افغان طالبان کا غیر ملکی افواج کے مکمل انخلاء تک کسی بھی کانفرنس میں شرکت سے انکار

تازہ ترین
بین الاقوامی خبریں
14 اپریل ، 2021
افغان طالبان کا غیر ملکی افواج کے مکمل انخلاء تک کسی بھی کانفرنس میں شرکت سے انکار

افغان طالبان نے افغانستان سے غیر ملکی افواج کے مکمل انخلاء تک افغان امن سے متعلق کسی بھی کانفرنس میں شرکت کرنے سے انکار کردیا ہے۔

افغان طالبان کے ترجمان محمد نعیم نے کہا ہے کہ جب تک امریکا افغانستان سے اپنی تمام فوج نہیں نکال لیتا اس وقت تک طالبان افغانستان سے متعلق کسی بھی کانفرنس میں شریک نہیں ہوں گے۔

صدر بائیڈن کا اس سال 11ستمبر تک افغانستان سے افواج نکالنے کا فیصلہ

امریکی صدر جو بائیڈن نے رواں سال 11ستمبرتک افغانستان سےتمام امریکی افواج نکالنے کا فیصلہ کیا ہے۔ واشنگٹن سے امریکی اخبار کے مطابق امریکی صدر بدھ کو افغانستان سے فوج نکالنےکا اعلان کرسکتے ہیں۔

بائیڈن انتظامیہ کی جانب سے افغانستان میں امریکی فوج کے انخلاء کی ڈیڈ لائن میں توسیع سے متعلق فیصلہ سامنے آیا ہے۔

امریکی صدر جو بائیڈن نے رواں سال 11ستمبر تک افغانستان سےتمام امریکی افواج نکالنے کا فیصلہ کیا ہے، واشنگٹن سے امریکی اخبار کے مطابق امریکی صدر بدھ کو افغانستان سے فوج نکالنےسے متعلق نئے فیصلے کا اعلان آج کرسکتے ہیں۔

استنبول: افغان عمل سے متعلق کانفرنس اپریل کے آخری ہفتے میں ہوگی

استنبول کانفرنس میں شرکت اور ایجنڈے کے بارے میں افغان شرکا سے جامع مشاورت ہوئی ہے، توقع ہے کہ کانفرنس میں افغان عوام کی خواہشات کی حمایت کا اعادہ کیا جائے گا۔

دوسری جانب ترک وزارت خارجہ نے اعلان کیا ہے کہ افغان امن کانفرنس استنبول میں 24 اپریل سے 4 مئی تک ہوگی۔

تازہ ترین