ابصار عالم پر فائرنگ کے واقعے کا مقدمہ درج
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ابصار عالم پر فائرنگ کے واقعے کا مقدمہ درج

سینئر صحافی ابصار عالم پر فائرنگ کے واقعے کا مقدمہ تھانہ شالیمار میں درج کرلیا گیا ہے۔

پولیس حکام کے مطابق ایف آئی آر میں اقدام قتل کی دفعہ لگائی گئی ہے۔جبکہ ایس ایس پی انوسٹی گیشن نے ٹیم کے ہمراہ فائرنگ کی جگہ کا جائزہ لیا اور سی سی ٹی وی کیمروں کی ویڈیو بھی حاصل کی جارہی ہے۔

دوسری جانب کونسل آف پاکستان نیوز پیپر ایڈیٹرز نے سینئر صحافی ابصار عالم پر قاتلانہ حملے کی مذمت کی ہے۔ سی پی این ای کا کہنا تھا کہ ابصار عالم پر حملہ دہشت گردی ہے، حکام فوری کارروائی کریں۔

واضح رہے گزشتہ روز سینئر صحافی اور سابق چیئرمین پاکستان الیکٹرونک میڈیا ریگولیٹری اتھارٹی (پیمرا) ابصار عالم پر قاتلانہ حملہ ہوا تھا، جس کے نتیجے میں وہ گولی لگنے سے زخمی ہوگئے تھے۔

قومی خبریں سے مزید