پہلا میچ جیتنے کیلئے محنت کرنی پڑی، بابراعظم

پاکستان کرکٹ ٹیم کے کپتان بابر اعظم کا کہنا ہے کہ پہلا میچ جیتنے کے لیے محنت کرنی پڑی۔

میچ کے بعد میڈیا سے گفتگو میں کپتان بابراعظم نے زمبابوے کے خلاف فتح میں کردار ادا کرنے والے کھلاڑیوں کی محنت کو سراہا۔ 

بابر اعظم کا کہنا تھا کہ اگر رضوان کے ساتھ ایک اچھی پارٹنر شپ ہوجاتی تو اسکور زیادہ بہتر ہوسکتا تھا۔

پہلا ٹی ٹوئنٹی: پاکستان نے زمبابوے کو 11 رنز سے شکست دیدی

پاکستان ٹیم کو بیٹنگ کی دعوت دینے کا فیصلہ شان ولیمز کے لیے بہترین ثابت ہوا اور اس نے مہمان ٹیم کو صرف 149 رنز پر ہی محدود کردیا۔

دوسری جانب میچ کے بہترین کھلاڑی قرار دیے جانے والے محمد رضوان کا کہنا تھا کہ زمبابوے میں کنڈیشنز بہت مشکل ہوتی ہیں۔

انھوں نے یہ بھی کہا کہ اننگز کے دوران یہ پلان کرلیا تھا کہ ڈیڑھ سو رنز تک اسکور کرنا ہے۔