شنیرا کا ڈیفنس میں کُھلے مین ہولز کو لاک کرنے کا مطالبہ

سماجی کاموں میں ہمیشہ سب سے آگے رہنے والی اور معاشرتی مسائل پر اپنی آواز بُلند کرنے والی شنیرا اکرم نے کراچی کے علاقے ڈیفنس میں کُھلے مین ہولز کے ڈھکن کو لاک کرنے کا مطالبہ کردیا۔

مائیکرو بلاگنگ سائٹ ٹوئٹر پر شنیرا نے ایک نجی خبر رساں ادارے کی خبر شیئر کی جس میں بتایا گیا کہ نیو کراچی کے علاقے میں 12 سال کا بچہ سیوریج کے مین ہول میں گِر کر جاں بحق ہوگیا۔

شنیرا نے اس خبر پر اپنا ردعمل دیتے ہوئے کہا کہ ’میں نے ڈیفنس ہاؤسنگ سوسائٹی کی توجہ اس جانب دلائی تھی کہ تمام مین ہولز کو ڈھک دیا جائے۔‘

سابق کرکٹر کی اہلیہ نے کہا کہ ’میری توجہ دلانے پر انتظامیہ نے ایسا ہی کیا اور تمام مین ہولز ڈھک دیے لیکن کچھ عرصے کے بعد اُن مین ہولز کے ڈھکن چوری ہوگئے۔‘

وسیم سے علیحدگی کو 145دن ہوگئے ہیں: شنیرا

قومی کرکٹ ٹیم کے سابق کپتان وسیم اکرم کی اہلیہ شنیرا نے اپنے شوہر کے لیے سوشل میڈیا پر جذباتی پیغام جاری کرتے ہوئے کہا ہے کہ وہ گزشتہ 145 دن سے اپنے شوہر سے علیحدہ رہ رہی ہیں۔

اُنہوں نے مطالبہ کیا کہ ’ہمیں تمام مین ہولز کو ڈھک کر اُنہیں لاک کرنے کی ضرورت ہے کیونکہ کئی افراد اس کی وجہ سے زخمی اور جاں بحق ہوچکے ہیں۔‘

شنیرا نے مزید کہا کہ ’ہمیں اس مسئلے کے حل کے لیے مناسب طریقے سے کام کرنے کی ضرورت ہے۔‘

شنیرا سے علیحدگی، وسیم اکرم بھی اُداس

سوئنگ کے سلطان کے لقب سے دُنیا بھر میں مشہور قومی کرکٹ ٹیم کے سابق کپتان وسیم اکرم بھی اپنی اہلیہ شنیرا سے طویل جُدائی پر اُداس نظر آرہے ہیں۔

واضح رہے کہ شنیرا کراچی کے مختلف مسائل پر اکثر اپنی آواز بلند کرتی نظر آتی ہیں۔