وسیم سے علیحدگی کو 145دن ہوگئے ہیں: شنیرا

قومی کرکٹ ٹیم کے سابق کپتان وسیم اکرم کی اہلیہ شنیرا نے اپنے شوہر کے لیے سوشل میڈیا پر جذباتی پیغام جاری کرتے ہوئے کہا ہے کہ وہ گزشتہ 145 دن سے اپنے شوہر سے علیحدہ رہ رہی ہیں۔

شنیرا نے اپنے تصدیق شدہ انسٹاگرام اکاؤنٹ پر وسیم اکرم کے ساتھ اپنی ایک یادگار تصویر شئیر کی ہے۔ 

اس تصویر کو شئیر کرتے ہوئے شنیرا نے لکھا کہ’ہم 145 دن سےالگ رہے ہیں اور یہ اب تک کی ہماری طویل علیحدگی ہے۔‘

شنیرا نے لکھا کہ ’اگرچہ میرا دل روزانہ ٹوٹتاہے لیکن مجھ میں ہمت ہے اور مجھے یقین ہے کہ یہ دنیا جلد ہی اپنی پریشانیوں کا خاتمہ کر دے گی کیونکہ ایسے لوگ بھی موجود ہیں جو ہم سے کہیں زیادہ ہمت ہار گئے ہیں۔‘

وسیم اکرم کو شنیرا اور عائلہ کی یاد ستانے لگی

قومی کرکٹ ٹیم کے سابق کپتان اور موجوہ کرکٹ کمنٹیٹر وسیم اکرم نے اہلیہ شنیرا اور بیٹی کی یاد میں سوشل میڈیا پر خصوصی پیغام جاری کردیا۔

انہوں نے لکھا کہ ’انشاءاللّہ! ہمارے پاس وہ محبت ہے جو کسی قسم کی حدود کو نہیں جانتی۔‘

شنیرا نے اپنی نیک تمناؤں کا اظہار کرتے ہوئے لکھا کہ ’میں دعا کرتی ہوں کہ سب محفوظ رہیں، ماسک پہنیں اور جلد سے جلد ویکسین لگوائیں تاکہ زندگی معمول کے مطابق چل سکے۔‘

شنیرا 2021 میں اُداس کیوں؟

سماجی کاموں میں ہمیشہ سب سے آگے رہنے والی اور معاشرتی مسائل پر اپنی آواز بُلند کرنے والی شنیرا اکرم کراچی کے ساحلِ سمندر سی ویو پر گندگی کے ڈھیر دیکھ کر اداس ہوگئیں۔

وسیم اکرم کی اہلیہ نے یہ بھی لکھا کہ ’میں ایک اچھی والدہ اور شہری بننے کے لئے اپنی پوری کوشش کروں گی اور اپنی فلاحی خدمات کو جاری رکھوں گی اور یہاں سے جتنا ہوسکے پاکستان کی مدد کے لیے کام کروں گی۔‘

شنیرا نے اپنی پوسٹ کے کیپشن میں وسیم اکرم کو مخاطب کرتے ہوئے لکھا کہ ’وسیم! آپ بہت زیادہ یاد آرہے ہیں آپ تصور بھی نہیں کرسکتے ہیں، آپ ہمارے لیے سب کچھ ہیں۔‘

رمضان المبارک کی مناسبت سے شنیرا نے لکھا کہ ’اس مقدس مہینے کے دوران ان سب لوگوں کے ساتھ میری دُعائیں ہیں جو تکلیف میں مبتلا ہیں اور جو اپنی کسی خواہش یا اپنے پیاروں کو الوداع کہہ رہے ہیں۔‘

وسیم اکرم نے شنیرا کو حیران کردیا

سابق کرکٹر وسیم اکرم کی اپنے کرکٹ کے دنوں میں بھارتی ٹیم کے ساتھ کھیلی گئی تصویر نے شنیرا کو حیران کردیا۔

واضح رہے کہ شنیرا اور اُن کی بیٹی عائلہ گزشتہ کئی ماہ سے آسٹریلیا میں پھنسی ہوئی ہیں جبکہ اُن کے شوہر وسیم اکرم پاکستان میں موجود ہیں۔

آسٹریلوی حکومت نے کورونا وائرس کے بڑھتے کیسز کے پیش نظر آسٹریلیا کی بارڈرز بند کی ہوئی ہیں۔

یہی وجہ ہے کہ شنیرا اس قدر اپنے شوہر وسیم اکرم کو یاد کررہی ہیں۔