• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لندن، غیر مسلم پولیس سارجنٹ بھی رمضان کے احترام میں روزے رکھنے لگا

لندن میں غیر مسلم پولیس سارجنٹ نے مسلمان ساتھی کے ساتھ ڈیوٹی سرانجام دیتے ہوئے رمضان کے احترام میں روزے رکھنا شروع کردیے۔

غیر ملکی میڈیا رپورٹس کے مطابق کیون گیمنڈ نامی 38 سالہ سارجنٹ 34 سالہ مسلمان سارجنٹ قاسم حنیف کے ہمراہ ڈیوٹی پر مامور تھا۔

رمضان المبارک کے آغاز کے ساتھ ہی حنیف نے جب روزے رکھنے شروع کیے تو کیون نے بھی رمضان کے احترام میں روزے رکھنا شروع کردیے۔

کیون کا کہنا ہے کہ وہ اور قاسم تقریباً ایک برس سے ساتھ ڈیوٹی سرانجام دیتے ہیں، رمضان کی آمد سے قبل ہی مجھے روزوں میں دلچسپی پیدا ہوئی اور میں نے بھی روزے رکھنے کی ٹھان لی۔

کیون کے مطابق وہ بھی پورے روزے رکھ کر دوست کے ہمراہ عید منانے کا ارادہ رکھتے ہیں۔

خاص رپورٹ سے مزید