دہشتگردی میں اضافے پر قومی حکمت عملی پر نظرثانی کی ضرورت ہے، شہبازشریف

پاکستان مسلم لیگ ن کے صدر، قومی اسمبلی میں قائد حزب اختلاف میاں محمد شہباز شریف کا کہنا ہے کہ دہشتگردی میں اضافے پر قومی حکمت عملی پر نظرثانی کی ضرورت ہے۔

شہبازشریف نے تربت میں پٹرولنگ پارٹی اور کوئٹہ میں ایف سی اہلکاروں پرحملے کی مذمت کرتے ہوئے کہا ہے کہ  مادر وطن کے تحفظ اور دفاع کے لیے جانیں قربان کرنے والے شہدا کو سلام پیش کرتے ہیں۔

بلوچستان: دہشتگردی کے 2 واقعات، 3 ایف سی اہلکار شہید، 5 زخمی

بلوچستان میں کوئٹہ اور تربت میں دہشت گردی کے 2 مختلف واقعات میں 3 ایف سی اہلکار شہید 5 زخمی ہوگئے۔

شہبازشریف نے کہا ہے کہ دہشتگردی کے خلاف پاکستان کی قربانیاں لازوال ہیں۔

واضح رہے کہ گزشتہ روز بلوچستان میں کوئٹہ اور تربت میں دہشت گردی کے 2 مختلف واقعات کے نتیجے میں 3 ایف سی اہلکار شہید اور 5 زخمی ہوگئے تھے۔