فرمان الہی
نماز کے اوقات
پاکستان کی خوبرو اداکارہ سارہ خان کا اپنے مداحوں کو بتانا ہے کہ وہ اپنے آنے والے نئے پروجیکٹ میں بیڈ منٹن پلیئر بننے جا رہی ہیں۔
سوشل میڈیا ایپلیکیشن انسٹا گرام پر 6.7 ملین فالوورز رکھنے والی اداکارہ ساہ خان پاکستان شوبز انڈسٹری کی اس وقت صف اول کی اداکارہ ہیں۔
یکے بعد دیگرے سپر ہٹ ڈراموں میں اپنی جاندار اداکاری کے جو ہر دکھانے والی اداکارہ سارہ خان کے مداح اُن سے اور اُن کے شوہر گلوکار فلک شبیر سے بے حد محبت کرتے ہی ان دونوں سے متعلق جاننا چاہتے ہیں۔
سارہ خان نے حال ہی میں اپنے ایک انٹرویو کے دوران جہاں اپنی زندگی کے اہم پہلوؤں سے متعلق اپنے مداحوں کو آگاہ کیا ہے وہیں اُن کا اپنے آنے والے نئے پروجیکٹ سے متعلق بات کرتے ہوئے کہنا تھا کہ ’وہ اپنے آنے والے نئے پروجیکٹ میں بیڈ منٹن پلیئر کا کردار ادا کر رہی ہیں جس کی آدھی سے زیادہ شوٹنگ مکمل ہو گئی ہے اور بس تھوڑا سا کام اب باقی رہتا ہے۔‘
سارہ خان نے ہنستے ہوئے مزید کہا کہ ’ انشاءاللّٰہ اُن کا یہ پروجیکٹ آن ایئر ہوگا تو سب کو بہت پسند آئے گا۔‘
