بشریٰ انصاری اور معین اختر کی سُنہری یاد

فلم و ٹی وی انڈسٹر ی کی سینئر اداکارہ بشریٰ انصاری نے صدارتی ایوارڈ یافتہ اداکار معین اختر کے ساتھ اپنی بیٹی میرا انصاری کے بچپن کی تصویر سوشل میڈیا پر شیئر کردی۔

بشریٰ انصاری نے اپنے تصدیق شدہ انسٹاگرام اکاؤنٹ پر ماضی کی ایک حسین یاد شیئر کی ہے جو اداکارہ کے جوانی کے دنوں کی ہے۔

تصویر میں بشریٰ انصاری کے ہمراہ اُن کی بیٹی میرا انصاری اور لیجنڈری اداکار معین اختر بھی موجود ہیں۔

انسٹاگرام پر شیئر کی گئی تصویر میں میرا انصاری مائیک میں کچھ بول رہی ہیں جبکہ بشریٰ انصاری اور معین اختر اُن کا حوصلہ بُلند کرتے نظر آرہے ہیں۔

بشریٰ انصاری نے تصویر کے کیپشن میں لکھا کہ ’میرے لیجنڈری دوست معین اختر اور میری پیاری بیٹی میرا انصاری۔‘

بشریٰ انصاری کی معین اختر اور انور مقصود کیساتھ نایاب تصویر

فلم و ٹی وی انڈسٹر ی کی سینئر اداکارہ بشریٰ انصاری نے کروڑوں دلوں پر راج کرنے والے صدارتی ایوارڈ یافتہ اداکار معین اختر اور مشہور ترین مزح نگار، شاعر، مصنف، ٹی وی میزبان اور مصور انور مقصود کے ساتھ ماضی کی یادگار تصویر سوشل میڈیا پر شیئر کردی۔

سینئر اداکارہ کی اس پوسٹ کو صارفین بہت پسند کررہے ہیں جبکہ تبصروں کا سلسلہ بھی جاری ہے۔

خیال رہے کہ لیجنڈ اداکار معین اختر کو فن کی اکیڈمی کہا جاتا تھا کیونکہ فلم ہو یا ٹی وی یا پھر اسٹیج ڈرامہ انہوں نے ہر شعبے میں اپنی خداداد صلاحیتوں کا لوہا منوایا، معین اختر کے طنز ومزاح سے بھرپور جملوں نے تہذیب کا ایک نیا پہلو متعارف کروایا۔

بشریٰ انصاری، معین اختر اور انور مقصود کے کس شو میں بھینس آگئی تھی؟

فلم و ٹی وی انڈسٹر ی کی سینئر اداکارہ بشریٰ انصاری نے صدارتی ایوارڈ یافتہ اداکار معین اختر اور مشہور شخصیت انور مقصود کے ساتھ اپنے اُس شو کی تصویر شیئر کردی جس میں بھینس آگئی تھی۔

معین اختر کے معروف ٹی وی ڈراموں میں روزی، انتظار فرمائیے، بندر روڈ سے کیماڑی، آنگن ٹیڑھا، اسٹوڈیو ڈھائی، اسٹوڈیو پونے تین، یس سر نو سر اورعید ٹرین شامل ہیں، ڈرامہ روزی میں ان کا کردار شاید کبھی نہ بھلایا جاسکے۔

معین اختر 22 اپریل سن 2011 کو حرکت قلب بند ہونے سے انتقال کر گئے۔