فرمان الہی
نماز کے اوقات
مسلم لیگ نون کے رہنما احسن اقبال نے کہا ہے کہ ڈاکٹر سرفراز نعیمی شہید کو بھی نفرت کے بارود نے شکار بنایا جبکہ میں خود بھی نفرت کی گولی کا شکار ہو چکا ہوں۔
جامعہ نعیمہ میں سرفراز نعیمی شہید کی یاد میں سیمینار سے خطاب کرتے ہوئے احسن اقبال نے کہا کہ بدقسمتی سے برین واشنگ کے ذریعہ مسلمان کو مسلمان سے لڑایا جاتا ہے۔
احسن اقبال نے کہا کہ کسی کو حق حاصل نہیں کہ کسی کے ایمان کا فیصلہ کرسکے کیونکہ جنت اور دوزخ کا فیصلہ کرنا کسی انسان کا کام نہیں۔
اُنہوں نے کہا کہ ہمیں اسلام کا سفیر بن کر سلامتی کا پیغام دینا ہے جس نے سرفراز نعیمی شہید کی جان لی وہ بھول گیا کہ عالم کا کیا مرتبہ ہے۔
مسلم لیگ نون کے رہنما نے یہ بھی کہا کہ کلمہ وہ روشنی ہے جو کائنات کی قیمتی چیز ہے جسے پڑھنے کے بعد انسان لائق احترام ہوجاتا ہے۔
احسن اقبال کا مزید کہنا تھا کہ کلمہ پڑھنے والے کا فیصلہ کسی انسان نے نہیں بلکہ اللّہ تعالیٰ نے کرنا ہے۔
