• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکا میں دوحملہ آوروں کی فائرنگ سے 14افراد زخمی

آسٹن(این این آئی)امریکا میں 2 مسلح افراد کی فائرنگ کے نتیجے میں متعدد افراد زخمی ہوگئے۔فائرنگ کا واقعہ دونوں افراد کی ذاتی رنجش کے باعث پیش آیا جب کہ زخمی تمام افراد راہگیر ہیں، گرفتار حملہ آور سے تفتیش جاری ہے جب کہ فرار حملہ آور کے گرفتاری کے لیے چھاپے مارے جارہے ہیں۔غیر ملکی خبر رساں ادارے کے مطابق امریکی ریاست ٹیکساس میں 2 مسلح افراد کی ایک دوسرے پر فائرنگ کے نتیجے میں 14 افراد زخمی ہوگئے، واقعہ کی اطلاع ملتے ہی پولیس نے موقع پر پہنچ کر صورتحال کو قابو میں کیا اور ایک حملہ آور کو گرفتار کرلیا جب کہ زخمیوں کو اسپتال منتقل کردیا گیا ہے جس میں سے 2 افراد کی حالت تشویشناک بتائی جاتی ہے۔پولیس کے مطابق فائرنگ کا واقعہ دونوں افراد کی ذاتی رنجش کے باعث پیش آیا جب کہ زخمی تمام افراد راہگیر ہیں، گرفتار حملہ آور سے تفتیش جاری ہے جب کہ فرار حملہ آور کے گرفتاری کے لیے چھاپے مارے جارہے ہیں۔
یورپ سے سے مزید