• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کینٹ بورڈکے عملے پردھاوابول کر مارپیٹ ،عملے کومحبوس رکھنے پر مقدمہ

میرا شہر
اسلام آباد
14 جون ، 2021
راولپنڈی (سٹاف رپورٹر) ٹاہلی موہری میں کینٹ بورڈکے عملے پردھاوابول کر مارپیٹ کرنے ،عملے کومحبوس رکھنے اورسرکاری گاڑی کے شیشے توڑنے والے ملزموں کے خلاف مقدمہ درج کرلیاگیا۔تھانہ سول لائن کو سلیمان احمد ایریا انسپکٹر بلڈنگ چکلالہ کینٹ نے درخواست دی کہ ٹاہلی موہری میں جمال قریشی کے پلاٹ پر غیر قانونی تعمیرات جاری ، انہیں روکا تو انہوں نے انکار کر دیا ۔ میں نے ہمراہ انفورسمنٹ سٹاف ان کا شٹر اتارکر گاڑی میں رکھوایا تو اتنے میں جمال قریشی اس کے دونوں بیٹے مصطفٰی اور یوسف کے ہمراہ بیس پچیس افراد نے ڈنڈوں اور لوہے کے راڈوں سے مجھ پر اور سرکاری گاڑی پر حملہ کیا۔سٹاف کو حبس بے جا میں بھی رکھا ۔میرا موبائل اور میرے پرس میں موجود سرکاری کارڈ اور 30 ہزار روپے اور شناختی کارڈ بھی چھین لیا ۔مجھے مارا اور سرکاری گاڑی روک کر روڈ بلاک کر دیا اور گاڑی میں موجود شٹر اور انفورسمنٹ کا سامان نکال لیا ۔
تازہ ترین