• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پرل وی پوری کی کمسن بچی سے زیادتی کے مقدمے میں ضمانت

آج کا اخبار
دل لگی
17 جون ، 2021
پرل وی پوری کی کمسن بچی سے زیادتی کے مقدمے میں ضمانت

ممبئی (مانیٹرنگ ڈیسک)بھارت کے معروف ٹی وی اداکار پرل وی پوری کو کمسن بچی سے مبینہ زیادتی کے مقدمے میں ضمانت مل گئی۔گزشتہ دنوں ممبئی پولیس نے پرل وی پوری کو کمسن بچی سے زیادتی کے مقدمے میں گرفتار کیا تھا جنہیں عدالت نے جوڈیشل ریمانڈ پر جیل بھجوادیا تھا۔بھارتی شہر وسائی کی مقامی عدالت نے گزشتہ روزپرل پوری کو کمسن بچی سے زیادتی کے مقدمے میں ضمانت دے دی ہے۔سیشن کورٹ نے اداکار کو 25 ہزار بھارتی روپے کے ضمانتی مچلکے جمع کرانے کا بھی حکم دیا۔ضمانت کے بعد پرل پوری کی رہائی کا امکان ہے۔واضح رہے کہ پرل پوری پر ساتھی اداکارہ کی کمسن بیٹی سے زیادتی کا الزام عائد کیا گیا ہے۔ خیال رہے کہ پرل پوری نے ’دل کی نظر سے خوبصورت‘، ’میری ساسو ماں‘ اور ’ناگن 3‘ سمیت کئی ہٹ ڈراموں میں اداکاری کے جوہر دکھا چکے ہیں۔اس کے علاوہ پرل پوری رئیلٹی شوز میں بھی شرکت کرچکے ہیں۔

تازہ ترین