خواتین کے لباس سے متعلق وزیراعظم کے بیان پر شہباز گل کا دفاع

وزیر اعظم کے معاون خصوصی شہباز گل نے عوامی ردعمل اور عالمی میڈیا کی تنقید پر خواتین کے لباس اور جنسی تشدد سے متعلق وزیراعظم کے ماضی کے بیان کا دفاع کیا تھا۔

7 اپریل 2021 کو سوشل میڈیا پر بیان میں شہباز گل کا کہنا تھا کہ وزیراعظم کے بیان کو حقائق سے ہٹ کر توڑ مروڑ کر پیش کیا گیا۔

وزیر اعظم ماضی میں بھی خواتین کے لباس سے متعلق اپنی رائے کا اظہار کر چکے ہیں

رواں سال عوام سے براہ راست گفت گو کرتے ہوئے ان کا کہنا تھا کہ پردہ کا تصور معاشرے میں برائی کی جانب اکسانے سے روکنے کے لئے ہے۔

شہباز گل کا کہنا تھا کہ وزیراعظم نے نہ ہی کسی طرح کے لباس کی نشاندہی کی اور نہ ہی کسی مخصوص لباس کو ریپ کے واقعات کی وجہ قرار دیا تھا۔

مرد کوئی روبوٹ نہیں، اگر عورت کپڑے کم پہنے گی تو اس کا اثر تو ہوگا، وزیراعظم

عمران خان نے کہا کہ جب آپ لوگوں کو اکسائیں گے تو اِن نوجوانوں کے پاس جانے کے لئے کوئی جگہ نہیں ہوگی تو پھر اس کے نتائج ہوں گے۔

معاون خصوصی کا کہنا تھا کہ وزیراعظم عمران خان ساری زندگی خواتین اور بچوں کے حقوق کے لئے کھڑے ہوتے آئے ہیں۔

شہباز گل کا کہنا تھا کہ زینب الرٹ بل اور خواتین کو وراثت میں حصہ دلانے سے متعلق قانون سازی کا سہرا وزیراعظم عمران خان کی حکومت کو جاتا ہے، جو ہمیشہ پسے ہوئے طبقوں کو حقوق دلانے کے لئے جدوجہد کرتی آئی ہے۔