• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ای سی سی کی ایک لاکھ ٹن چینی درآمد کرنے کےلیے ٹینڈر کی منظوری، اعلامیہ

تازہ ترین
قومی خبریں
28 جون ، 2021


وزیر خزانہ شوکت ترین کی زیر صدارت اقتصادی رابطہ کمیٹی کا اجلاس ہوا جس میں ایک لاکھ ٹن چینی در آمد کرنے کے لیے ٹینڈر کی منظور دے دی گئی۔

اعلامیے کے مطابق کپاس کی امدادی قیمت طے کرنے کے لیے کمیٹی قائم کردی گئی، کمیٹی 15 دنوں میں کپاس کی امدادی قیمت کا تعین کرے گی۔

 نیشنل شپنگ کارپورشن کے واجبات دلانے کے لیے خصوصی ہدایت کی گئی ہے، ای سی سی کی ہدایت میں کہا گیا کہ پٹرولیم ڈویژن، پی ایس او اور وزارت خزانہ واجبات ادا کریں۔

اعلامیے کے مطابق  یوٹیلیٹی اسٹورز پر سبسڈی 15 جولائی  تک جاری رکھنے کی منظوری دی گئی ہے۔

ای سی سی کا کہنا ہے کہ پانچ بنیادی اشیا کی سبسڈی کا طریقہ کار از سر نو طے کیا جائے، سبسڈی کے طریقہ کار تعین کے لیے کمیٹی قائم کی گئی ہے، قائم کی گئی کمیٹی 15 دن میں رپورٹ دے گی۔

اعلامیے کے مطابق پاور اور فنانس ڈویژن کو نیٹ ہائیڈل پرافٹ کی ادائیگی کیلئے دو ہفتوں میں حل پیش کرنے کی ہدایت کی گئی ہے۔

ای سی سی نے ایوی ایشن ڈویژن کیلئے 10 ملین تکنیکی سپلیمنٹری گرانٹ منظور کرلی ہے، پاکستان اکیڈیمی آف رورل ڈیولپمنٹ کیلئے 20.70 ملین تکنیکی سپلیمنٹری گرانٹ منظور کی گئی ہے۔

افسران کیلئے ڈسپیریٹی رڈکشن الائونس کی مد میں ایک ارب روپے کی گرانٹ منظور  کی گئی جبکہ بین الصوبائی کوآرڈینیشن ڈویژن کیلئے 16.70 ملین کی تکنیکی سپلیمنٹری گرانٹ منظور کی گئی۔

اعلامیے کے مطابق اجلاس میں داخلہ ڈویژن کی ایف سی بلوچستان کیلئے ایک ارب ایک کروڑ کی تکنیکی سپلیمنٹری گرانٹ منظور کی گئی، ایف بی آر کو ادائیگیوں کیلئے 45.66 کروڑ روپے کی تکنیکی سپلیمنٹری گرانٹ منظور کی گئی۔

ای سی سی نے خارجہ امور کے لیے 2 ارب روپے کی تکنیکی سپلیمنٹری گرانٹ  کی منظوری دی ہے۔

تازہ ترین