کپل شرما نے اپنا معاوضہ ایک دم بڑھا دیا

بھارت کے کامیڈی کنگ کپل شرما نے اپنے شو ’دی کپل شرما شو‘ کے تیسرے سیزن کیلئے اپنا معاوضہ ایک دم بڑھا دیا۔

بھارتی میڈیا رپورٹس کے مطابق بھارت میں کورونا بحران کے باعث عارضی طور ہر بند کیا جانے والا کپل شرما کا کامیڈی شو آئندہ ماہ نشر کیا جائے گا ۔

کپل شرما کے شو کو فروری سے بند کیے جانے کا فیصلہ

بھارت میں عالمی وبا کورونا وائرس کے باعث لگے لاک ڈاؤن کی وجہ سے’کپل شرما شو‘ بھی مالی مشکلات کا شکار ہے اور شو انتظامیہ نے فیصلہ کیا ہے کہ فروری سے اس شو کو بند کردیا جائے۔

رپورٹس میں ساتھ ہی یہ دعویٰ بھی کیا جارہا ہے کہ کپل شرما نے تیسرے سیزن کے لیے اپنا معاوضہ بھی بڑھا دیا ہے۔

پچھلے سیزنز میں کامیڈین ایک قسط کے 30  لاکھ روپے لیتے تھے لیکن اب تیسرے سیزن میں انہوں نے اپنا معاوضہ 50 لاکھ کردیا ہے۔

کپل شرما نئے انداز کے ساتھ ٹی وی اسکرین پر واپسی کیلئے تیار

کورونا وائرس کے باعث مالی مشکلات کا شکار ہونے پر بند کیا جانے والا معروف بھارتی شو ’دی کپل شرما شو‘ کا مئی سے نئے انداز سے دوبارہ آغاز کیا جارہا ہے۔

کورونا بحران کے باعث عارضی طور پر بند کیے جانے والے شو کے حوالے سے کپل شرما کا کہنا تھا کہ وہ بچے کی پیدائش کے باعث شو سے دور ہیں لیکن   کپل شرما کے ہاں دوسرے بچے کی پیدائش کے بعد بھی اب تک پروگرام دوبارہ نشر نہیں کیا گیا۔

واضح رہے کہ کپل شرما کے شو میں پاکستان سے اب تک وسیم اکرم بمعہ اہلیہ شنیرا اکرم، شعیب اختر، راحت فتح علی خان، فواد خان اور شعیب ملک بمعہ اہلیہ ثانیہ مرزا، مومل شیخ سمیت دیگر ممتاز شخصیات شرکت کرچکی ہیں۔

کپل شرما نے بیٹے کیساتھ پہلی تصویر شیئر کردی

بھارتی کامیڈی کنگ کپل شرما نے فادرز ڈے کے موقع پر مداحوں کی فرمائش پر اپنے ہمراہ دونوں بچوں کی تصویر شیئر کردی۔

کپل شرما شو کو پاکستان میں بھی بے حد پسند کیا جاتا ہے۔ شو کی ابتدا میں پاکستانی فنکار نسیم وکی بھی اس کا حصہ بنے تھے۔