• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بادغیس کے دارالحکومت قلعہ نو میں افغان فورسز اور طالبان میں سیزفائر

افغانستان کے صوبے بادغیس کے گورنر کا کہنا ہے کہ قبائلی عمائدین کی ثالثی کے بعد شہر قلعہ نو میں افغان فورسز اور طالبان کے درمیان سیز فائر ہوگیا ہے۔

صوبائی دارالحکومت قلعہ نو میں گذشتہ 8 دنوں سے افغان فورسز اور طالبان کے درمیان لڑائی جاری تھی۔ طالبان نے شہر قلعہ نو کے نواح سے جنگجوؤں کے پیچھے ہٹنے سے متعلق ردعمل نہیں دیا ہے۔

افغان میڈیا کے مطابق گورنر بادغیس کا کہنا ہے کہ شہر قلعہ نو میں افغان فورسز اور طالبان کےدرمیان سیز فائر آج دوپہر میں ہوا، جس کے بعد طالبان قلعہ نو کے نواح سے چلے گئے ہیں۔

سکیورٹی فورسز نے کنٹرول سنبھال لیا ہے، انہوں نے کہا کہ وہ اپنے عہد پر قائم ہیں، امید ہے طالبان بھی وعدے کی پاسداری کریں گے۔

افغان میڈیا نے ذرائع کے حوالے سے رپورٹ کیا ہے کہ قلعہ نو میں گذشتہ 8 دنوں سے جاری لڑائی میں ایک ہزار سے زائد افراد بےگھر ہوئے ہیں۔

ابتدائی طور پر 8 شہریوں کے ہلاک اور 80 سے زائد کے زخمی ہونے کی اطلاعات ہیں۔

تازہ ترین