• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملک میں چوتھی کمپنی کو وینٹی لیٹر بنانے کا لائسنس مل گیا، فواد چوہدری

وفاقی وزیر اطلاعات فواد چوہدری کا کہنا ہے کہ سائنس منسٹری میں ہوئے کام کی بدولت چوتھی کمپنی کو بھی وینٹی لیٹر بنانے کا لائسنس مل گیا ہے۔

سماجی رابطے کی ویب سائٹ ٹوئٹر پر اپنے بیان میں وفاقی وزیر اطلاعات فواد چوہدری نے کہا کہ اس سال مجھے پوری امید ہے کہ ہم وینٹی لیٹر ایکسپورٹ کرنا شروع کردیں گے۔


انہوں نے کہا کہ فیصل آباد میں ہیلتھ سٹی بنایا تھا، ستمبر میں آٹو ڈسپوزایبل سرنج بننا شروع ہوں گی۔

دوسری جانب نیشنل ڈیزاسٹر مینجمنٹ اتھارٹی (این ڈی ایم اے)نے گلگت بلتستان کو کورونا کے لیے آکسیجن اور وینٹیلیٹرز سپلائی کیے ہیں۔

این ڈی ایم اے کے مطابق 10 آئی سی یو وینٹی لیٹر اور دیگر سامان بھی گلگت بلتستان کو بھیج دیا گیا ہے۔

قومی خبریں سے مزید