• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور: پولیس موبائل پر بم حملے کا مقدمہ درج

پشاور کی کارخانو مارکیٹ میں گزشتہ روز پولیس موبائل پر ہوئے بم دھماکے کا مقدمہ درج کر لیا گیا۔

دھماکے کی ایف آئی آر درج کرانے کے لیے پولیس نے مراسلہ تیار کیا تھا۔

ایس ایچ او تھانہ حیات آباد نے سی ٹی ڈی کو مراسلہ بھیجا تھا جس میں کہا گیا کہ پولیس گاڑی معمول کے مطابق کارخانو مارکیٹ میں تھی، کہ اچانک دھماکا ہوا جس سے گاڑی کو نقصان پہنچا۔

مراسلے کے مطابق دھماکے سے 1 پولیس اہلکار شہید، دوسرا زخمی ہوا، جبکہ دھماکے میں ایک راہ گیر بھی زخمی ہوا ہے۔

مراسلے میں مزید کہا گیا کہ واقعہ ملک دشمن عناصر کی نامعلوم دہشت گردی کی کارروائی ہے۔

مراسلے میں ایس ایچ او تھانہ حیات آباد نے سی ٹی ڈی سے درخواست کی کہ واقعے کا مقدمہ درج کر کے تفتیش شروع کی جائے۔

قومی خبریں سے مزید