• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمان کے قریب آئل ٹینکر پر حملہ، اسرائیل کا ایران پر الزام

عمان کے ساحل کے قریب نشانہ بننے والے آئل ٹینکر پر حملے کا الزام اسرائیل کی جانب سے ایران پر عائد کر دیا گیا ہے۔

غیر ملکی خبر ایجنسی کے مطابق ایران کی جانب سے آئل ٹینکر پر حملے کی تردید کرتے ہوئے اسرائیلی الزام کو بے بنیاد قرار دیا گیا ہے۔

ایرانی وزارتِ خارجہ کا کہنا ہے کہ حملے میں ملوث ہونے کے اسرائیلی الزامات کی تردید کرتے ہیں، صیہونی ریاست نےعدم تحفظ، دہشت اور تشدد کو جنم دیا ہے۔

ایرانی وزارتِ خارجہ  نے کہا ہے کہ اسرائیل کے الزامات کا مقصد حقائق سے توجہ ہٹانا ہے۔

واضح رہے کہ آئل ٹینکر پر جمعرات کو کیئے گئےحملے میں ٹینکر  کے عملے کے 2 افراد ہلاک ہوئے تھے۔

بین الاقوامی خبریں سے مزید