نائیجیریا: اناٹومی کلاس میں دوست کی لاش دیکھ کر طالبہ بھاگ کھڑی ہوئی

مغربی افریقی ملک نائیجیریا میں ایک میڈیکل کالج کی طالبہ اس وقت اپنی کلاس سے بھاگ کھڑی ہوئی جب اناٹومی کی کلاس میں طالبہ کو ٹیبل پر ایک لاش فراہم کی گئی تاکہ وہ اس لاش کو چاک کرکے اس پر تجربات کرسکیں۔

دراصل یہ طالبہ اس لاش کو چاک کرنے کی وجہ سے نہیں بھاگی اس نے ایسا اس لیے کیا کیونکہ یہ لاش اس کے قریبی دوست کی تھی۔ 

برطانوی میڈیا ادارے کے مطابق 26 سالہ اینایا ایگبے نے اس واقعے کو یاد کرتے ہوئے کہا کہ سات برس قبل نائیجیریا کی کالابار یونیورسٹی میں وہ دیگر طلبہ کے ساتھ ٹیبل پر رکھی تین لاشوں پر تجربات میں شریک تھی۔

تاہم کچھ ہی دیر بعد اس کی اس وقت چیخ نکل گئی جب ان میں سے ایک لاش کو اس نے پہنچان لیا تھا، جو کہ اس کے قریبی دوست ڈیوائن کی تھی، طالبہ کے مطابق اس کے دوست کے سینے پر دو گولیوں کے نشان تھے۔