کابل میں حملے کا ہدف احمد مسعود جونیئر تھے: روسی میڈیا

گزشتہ روز افغانستان کے دارالحکومت کابل میں ہوئے حملے کا ہدف احمد مسعود جونیئر تھے۔

اس بات کا دعویٰ روسی میڈیا نے کیا ہے، کار بم دھماکا قائم مقام وزیرِ دفاع بسم اللّٰہ خان کے گیسٹ ہاؤس کے قریب کیا گیا تھا۔

کابل: قائم مقام وزیر دفاع کے گھر کے قریب دھماکا، مسلح افراد وزیر کے گھر میں داخل

افغانستان کے دارالحکومت کابل میں دھماکا ہوا ہے۔ افغان میڈیا کے مطابق کاربم دھماکا قائم مقام وزیردفاع کی رہائش گاہ کے قریب ہوا۔ دھماکے کے مقام پر فائرنگ ہوئی، جبکہ مسلح افراد وزیردفاع کے گھرمیں داخل ہوگئے۔

روسی میڈیا کا کہنا ہے کہ حملے کے وقت احمد مسعود جونیئر اسی گھر میں تھے۔

روسی میڈیا نے بتایا کہ حملے میں قائم مقام وزیرِ دفاع بسم اللّٰہ خان اور احمد مسعود جونیئر زخمی نہیں ہوئے۔

طالبان بزور طاقت قابض ہوئے تو افغانستان میں لاقانونیت ہو گی: زلمے خلیل زاد

امریکی نمائندہ خصوصی برائے افغانستان زلمے خلیل زاد کا کہنا ہے کہ طالبان نے طاقت سے قبضہ کیا تو افغانستان میں لاقانونیت ہو جائے گی۔

میڈیا رپورٹس کے مطابق کابل میں ہونے والے مذکورہ حملے میں 10 افراد زخمی ہوئے ہیں۔

قائم مقام افغان وزیرِ دفاع کے گھر پر حملے کی کسی نے ذمے داری قبول نہیں کی ہے۔