فرمان الہی
نماز کے اوقات
لاہور(نمائندہ جنگ) پیپلز پارٹی کے چیئرمین بلاول بھٹو زرداری دبئی سے واپس کراچی پہنچ گئے ہیں ائیر پورٹ پرسینئر پارٹی رہنمائوںنے ان کا استقبال کیا ،بلوچستان کی اہم شخصیات جلد پیپلزپارٹی میں شمولیت اختیار کرینگی۔ذرائع کے مطابق بلاول بھٹو زرداری 5 روز ہ نجی دورے پر دبئی گئے تھے جس کے بعد انھوں نے امریکہ چلے جانا تھا جہاں ان کی امریکی حکام سے افغانستان میں قیام امن، سفارتی، انسانی حقوق اور بین الاقوامی تعلقات، پاکستان کے مستقبل کے تعلقات اور ملک کی سیاسی صورتحال کےحوالے سے میٹنگز طے تھیں لیکن انھوں نے دورہ امریکہ منسوخ کر دیا تاہم دبئی میں اس حوالے سے اہم ملاقاتیں ہوئی ہیں۔ دریں اثنا بلاول بھٹو زرداری نے بلاول ہاؤس کراچی میں سیاسی سرگرمیاں دوبارہ شروع کر دی ہیں اور اس سلسلہ میں گزشتہ روز پی پی پی بلوچستان کے صدر میر چنگیز جمالی اور جنرل سیکریٹری روزی خان کاکڑ سے ملاقات کی۔
