• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سہراب گوٹھ میں تجاوزات کے خلاف آپریشن، غیرقانونی بس اڈے ختم

کراچی کے داخلی علاقے سہراب گوٹھ پر تجاوزات کے خلاف پولیس اور متعلقہ اداروں کے آپریشن کلین اپ کے دوران انٹرسٹی بسوں اور کوچز کے اڈوں سمیت درجنوں تجاوزات ختم کردی گئی ہیں۔

ڈی ایس پی سہراب گوٹھ چوہدری سہیل فیض کے مطابق وزیراعلیٰ سندھ سید مراد علی شاہ نے گزشتہ دنوں علاقے میں کھلی کچہری لگائی تھی جس میں شہریوں نے دیگر مسائل کے ساتھ ساتھ سہراب گوٹھ، حسن آباد اور سپر ہائی وے کے اطراف تجاوزات کی بھر مار کی بھی شکایت کی تھی۔

چوہدری سہیل فیض کے مطابق اس سلسلے میں ڈی آئی جی شرقی ثاقب اسماعیل میمن نے انہیں سخت ہدایات جاری کیں جس پر ایک منظم آپریشن کی منصوبہ بندی کے بعد آج صبح کارروائی شروع کی گئی۔

سہیل فیض کا کہنا ہے کہ دوپہر تک جاری اس آپریشن کے دوران درجنوں تجاوزات ختم کی گئیں جن میں الآصف اسکوائر اور سپر ہائی وے کے اطراف انٹرسٹی بسوں اور کوچز کے اڈوں سمیت دیگر تجاوزات شامل ہیں۔

پولیس کے مطابق اس سلسلے میں کارروائیاں جاری رہیں گے۔

قومی خبریں سے مزید