راکھی ساونت کے شوہر بگ باس 15 کا حصہ ہونگے؟

بھارتی متنازع اداکارہ راکھی ساونت مقبول ترین بھارتی رئیلیٹی شو بگ باس 14 کا حصہ تھیں، اپنی موجودگی سے اُنہوں نے شو کو کافی دلچسپ بنا دیا تھا اور اب کہا جارہا ہے کہ راکھی کے شوہر رتیش بگ باس کے سیزن 15 کا حصہ ہوں گے۔

بھارتی میڈیا رپورٹس کے مطابق بگ باس 15 کا آغاز رواں سال اکتوبر میں ہوگا اور اس بات کی تصدیق کردی گئی ہے کہ اداکارہ راکھی ساونت کے شوہر رتیش بگ باس 15 کا حصہ ہوں گے۔

بھارتی میڈیا کو دیے گئے حالیہ انٹرویو میں رتیش نے کہا کہ ’بگ باس 14 میں بالی ووڈ اداکار سلمان خان سمیت دیگر کنٹسٹنٹ اُن کی آمد کے منتظر تھے لیکن وہ کاروباری مصروفیات کی وجہ سے شو میں نہیں آسکے۔‘

راکھی ساونت اپنے شوہر سے طلاق لینے والی ہیں؟

بھارتی معروف اداکارہ اور بگ باس کے سیزن 14 کی کنٹسٹنٹ راکھی ساونت نے اپنے شوہر رتیش سے طلاق لینے کا اشارہ دے دیا۔

رتیش نے کہا کہ  ’وہ خود اس بات کی تصدیق کررہے ہیں کہ وہ بگ باس کے سیزن 15 کا حصہ ہوں گے۔‘

اس کے علاوہ رتیش نے بھارتی میڈیا کو اُن کی تصویر شیئر کرنے سے منع کیا اور کہا کہ وہ چاہتے ہیں سامعین بگ باس 15 میں ہی پہلی بار اُنہیں دیکھیں۔

یاد رہے کہ سال 2019ء میں راکھی ساونت نے بھارتی میڈیا کو بتایا تھا کہ وہ رتیش نامی شخص کے ساتھ رشتۂ ازدواج میں منسلک ہوگئی ہیں تاہم اُنہوں نے اپنے شوہر کی کوئی تصویر نہیں دِکھائی تھی۔

شوہر کی پہلی بیوی اور بچے کا علم ہوتا تو کبھی ان سے شادی نہ کرتی: راکھی ساونت

بھارتی معروف اداکارہ اور بگ باس کے سیزن 14 کی کنٹسٹنٹ راکھی ساونت کہتی ہیں کہ اگر اُنہیں اپنے شوہر کی پہلی شادی اور بچے کے بارے میں معلوم ہوتا تو وہ اُن سے کبھی شادی نہ کرتیں۔

واضح رہے کہ راکھی ساونت نے بگ باس کے سیزن 14 کے دوران انکشاف کیا تھا کہ ان کے شوہر پہلے ہی شادی شدہ تھے اور ایک بچے کے باپ بھی ہیں جس کے بارے میں انہیں شادی کے بعد پتہ چلا۔