برطانوی عدالت نے مجھے اور نواز شریف کو بےگناہ ثابت کیا، شہباز شریف

پاکستان مسلم لیگ ن کے صدر شہباز شریف کا کہنا ہے کہ برطانوی عدالتی فیصلے نے مجھے اور نواز شریف کو ہی بےگناہ ثابت نہیں کیا، بلکہ پاکستان کا نام بھی سرخرو کردیا۔

برطانوی عدالت نے شہباز شریف اور ان کے خاندان کو منی لانڈرنگ کے الزامات سے بری کردیا

رپورٹ کے مطابق شہباز شریف اور ان کے خاندان کے بینک اکاؤنٹس میں منی لانڈرنگ، کرپشن اور مجرمانہ سرگرمی کا کوئی ثبوت سامنے نہیں آیا۔

برطانوی عدالت کے فیصلے پر رد عمل دیتے ہوئے شہباز شریف نے کہا کہ عاجزی سے اللّٰہ کے حضور سربسجود ہوں۔

اپوزیشن لیڈر نے کہا کہ سچ کی طاقت یقیناً تمام جھوٹ، من گھڑت کہانیوں، کردار کشی سے بڑھ کر ہوتی ہے۔