کراچی میں آج سے 2 اکتوبر تک تیز بارشوں کی پیشگوئی

ڈائریکٹر محکمۂ موسمیات سردار سرفراز نے کراچی میں آج سے 2 اکتوبر کے دوران تیز بارشوں کی پیشگوئی کرتے ہوئے کہا ہے کہ کراچی کے اطراف آج دوپہر میں تھنڈر سیلز بن سکتے ہیں، جن سے بارش کا امکان ہے۔

انہوں نے بتایا کہ کراچی سمیت سندھ کے مختلف شہروں میں آج سے 2 اکتوبر تک تیز بارشوں کا امکان ہے، کہیں کہیں موسلا دھار بارش بھی ہو سکتی ہے۔

کراچی: آج بھی گرج چمک کیساتھ بارش کا امکان

محکمۂ موسمیات کی جانب سے ملک کے سب سے بڑے شہر کراچی میں آج بھی وقفے وقفے سے گرج چمک کے ساتھ بارش کا امکان ظاہر کیا گیا ہے۔

ڈائریکٹر محکمۂ موسمیات نے بتایا ہے کہ حالیہ بارشیں بحیرۂ عرب میں موجود سرکیولیشن کے باعث ہوں گی، طوفان ’گلاب‘ کمزور ہو کر ہوا کے کم دباؤ کی صورت اختیار کر گیا ہے۔

سردار سرفراز نے بتایا کہ ہوا کا کم دباؤ 30 ستمبر کو گجرات سے دوبارہ بحیرۂ عرب کی جانب بڑھ سکتا ہے، بحیرۂ عرب میں جانے پر یہ دوبارہ شدت اختیار کر سکتا ہے۔

انہوں نے بتایا کہ ہوا کا یہ کم دباؤ اومان کی جانب بڑھتے ہوئے کراچی اور بلوچستان کے سمندر کے قریب سے گزرے گا۔

کراچی میں آج بھی ہلکی بارش کی پیش گوئی

محکمۂ موسمیات کے ڈائریکٹر سردار سرفراز نے پیش گوئی کی ہے کہ ملک کے سب سے بڑے شہر کراچی میں آج کہیں کہیں ہلکی بارش ہو سکتی ہے۔

ڈائریکٹر محکمۂ موسمیات کا کہنا ہے کہ طوفان ’گلاب‘ کے اثرات سمندر میں طغیانی کی صورت میں نظر آئیں گے، تیز ہوائیں 60 سے 70 کلو میٹر فی گھنٹہ کی رفتار سے چل سکتی ہیں۔

انہوں نے یہ بھی بتایا کہ طوفان گلاب کے اثرات کے باعث بلوچستان میں گوادر تک تیز بارشیں متوقع ہیں، 30 ستمبر سے 3 اکتوبر تک سندھ اور بلوچستان کے ماہی گیر سمندر میں نہ جائیں۔