-
فرمان الہی
-
نماز کے اوقات
- ہفتہ 2؍ذیقعد 1445ھ 11؍مئی 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان شوبز انڈسٹری کی پسندیدہ آن اسکرین جوڑی اداکار فواد خان اور صنم سعید کے بارے میں یہ قیاس آرائیاں کی جارہی ہیں کہ یہ دونوں ایک بار پھر سےا سکرین پر ساتھ نظر آنے والے ہیں۔
2012 میں سپر ہٹ ڈرامے ’ زندگی گلزار ہے ‘ سے دنیا بھر میں موجود اپنے مداحوں سے ڈھیروں تعریفیں موصول کرنے والی اس جوڑی کے بارے میں سوشل میڈیا پر یہ خبریں گردش کررہی ہیں کہ یہ جوڑی اب بھارتی اسٹریمنگ سروس زی فائیو کی ویب سیریز میں ایک ساتھ نظر آئے گی۔
یہ خبریں سوشل میڈیا پر اس وقت گردش کرنے لگیں جب بھارتی فلم ساز وہدایتکار شیلجا کیجریوال نےاپنی انسٹاگرام پوسٹ پر پاکستانی اداکار فواد خان کی تصویر شیئر کی ۔
انہوں نے فواد خان کی تصویر شیئر کرتے ہوئے لکھا کہ ’ آخر کار زندگی کامیاب ہوگئی ۔‘
شیلجا کیجریوال کی اس پوسٹ پر کمنٹ کرتے ہوئے ایک مداح نے پوچھا کہ ’کیا صنم اور فواد اس پراجیکٹ پر ساتھ کام کررہے ہیں ؟‘
جس کے جواب میں شیلجا کیجریوال نےایک ایموجی کا استعمال کرتے ہوئے مداح کو خاموش رہنے کو کہا۔
بہر حال سچائی کچھ بھی ہو، مداح اپنی پسندیدہ جوڑی کو بین الاقوامی ویب سیریز میں ساتھ دیکھنے کے لیے بہت پرجوش ہیں۔
