اسلام آباد میں مزید 61 شہری ڈینگی سے متاثر

اسلام آباد میں ڈینگی کے کیسز میں مسلسل اضافہ ہوتا جارہا ہے، دارالحکومت میں اس وقت 1403 افراد ڈینگی سے متاثر ہوچکے ہیں، گزشتہ روز اسلام آباد میں 61 شہری ڈینگی کا شکار ہوئے۔

ڈی ایچ او کے مطابق اسلام آباد میں اب تک ڈینگی کے باعث 5 افراد جاں بحق ہوچکے ہیں، گزشتہ روز اسلام آباد کے دیہی علاقوں میں ڈینگی کے 42 کیسز سامنے آئے، دیہی علاقوں میں مجموعی طور پر 937 افراد ڈینگی سے متاثر ہوچکے ہیں۔

کورونا میں کمی آئی مگر ڈینگی نے سر اٹھا لیا، یاسمین راشد

یاسمین راشد نے کہا کہ فیصل آباد کے ٹیچنگ اسپتالوں کیلئے 9 ارب روپے کا بجٹ منظور کیا گیا ہے ۔

گزشتہ روز اسلام آباد کے شہری علاقوں میں ڈینگی کے 19 کیس رپورٹ ہوئے، اسلام آباد کے شہری علاقوں میں اب تک کُل 466 افراد ڈینگی سے متاثر ہوچکے ہیں۔

ڈینگی سے بچاؤ اور فوری علاج کیسے ممکن بنایا جائے؟

پاکستان میں ایک بار پھر ڈینگی بخار نے سر اُٹھا لیا ہے، ملک بھر میں اب تک ڈینگی کے سیکڑوں کیسز سامنے آچکے ہیں جن کی تعداد زیادہ تر پنجاب میں پائی جا رہی ہے، ڈینگی پر قابو پانے کے لیے ملک بھر کے لوگوں کا احتیاطی تدابیر اختیار کرنا ضروری ہے۔

دوسری جانب 24 گھنٹوں کے دوران خیبر پختونخوا میں ڈینگی کے مزید 198 مریض سامنے آئے جبکہ لاہور اور گردونواح میں ڈینگی کیسز میں تیزی سے اضافہ ہوتا جارہا ہے۔