| |
Home Page
ہفتہ 26 ذیقعدہ 1438ھ 19 اگست 2017ء
August 13, 2017 | 12:00 am
کلثوم نواز 17 سال بعد سیاست میں دوبارہ سرگرم

Todays Print

کلثوم نواز 17 سال بعد سیاست میں دوبارہ سرگرم

اسلام آباد (رپورٹ:طارق بٹ) معزول وزیراعظم نواز شریف کی اہلیہ کلثوم نواز 17سال بعد سیاست میں دوبارہ سرگرم اور متحرک ہونے پر مجبور کر دی گئیں۔ بظاہر اپنے شوہر کی نااہلی سے خالی نشست این اے۔ 120 پرسخت مقابلہ متوقع ہےجہاں ان کے شوہر نے 1985 سے جب بھی انتخاب لڑا وہ جیتے ہیں۔ اپنی جلا وطنی کے باعث وہ 2002 اور 2008 کے انتخابات نہیں لڑ سکے۔

اکتوبر 1999 میں جنرل (ر) پرویز مشرف کی جانب سے نواز شریف حکومت کا تختہ الٹے جانے کے بعد کلثوم نواز اپنے شوہر اورخاندان کے دیگر ارکان کو بچانے کیلئے پہلی بار سیاست میں آئیں۔ اس وقت وہ میدان میں موجود تنہا اپوزیشن لیڈر تھیں وہ ان کی تنہا پرواز تھی۔ 10دسمبر 2000 کو جب نواز شریف اور کلثوم سمیت پورا شریف خاندان سعودی عرب جلا وطن کر دیا گیا تو وہ مکمل طور پر پس منظر میں چلی گئیں۔