| |
Home Page
ہفتہ 28 صفر المظفر 1439ھ 18 نومبر 2017ء
مبشر علی زیدی
October 17, 2017 | 12:00 am
تسخیر …

Taskheer

میں کل ہیوسٹن پہنچا ہوں۔
’’ہیوسٹن‘‘ چاند پر بولا جانے والا پہلا لفظ تھا۔
بعض لوگ یہ دعویٰ کرتے ہیں۔
یہاں ناسا کا ہیڈکوارٹر ہے۔
خلا بازوں نے لینڈنگ کے بعد ہیوسٹن کے عملے کو مخاطب کیا ہوگا۔
’’ناسا اب کون سے سیارے پر جانے کا منصوبہ بنا رہی ہے؟‘‘
میں نے ایک سائنس داں سے پوچھا۔
’’امریکہ نے تمام خلائی پروگرام بند کر دیئے ہیں۔‘‘
اس نے بتایا۔
’’لیکن کیوں؟‘‘
میں حیرت سے چلا اٹھا۔
سائنس داں نے افسردہ لہجے میں کہا،
’’دوسرے ملک تسخیر کرنے کے جنون میں مبتلا قوم،
خلا تسخیر کرنے کی صلاحیت کھو دیتی ہے۔‘‘